Hungaria bëhet vendi i parë i BE-së që merr vaksinën Sinopharm të Kinës – Vendi i zhgënjyer me shpërndarjen e ngadaltë
Hungaria ka marrë dërgesën e saj të parë të vaksinës Sinopharm COVID-19 të Kinës. Vendi është i vetmi anëtar i Bashkimit Europian deri më tani që ka miratuar doza nga Kina dhe Rusia, me zyrtarë hungarezë që akuzojnë bllokun për një shpërndarje të ngadaltë të vaksinave.
Të martën, 550,000 doza të vaksinës Sinopharm u dorëzuan në Hungari. Kjo është e para nga katër dërgesat e pritshme, të cilat do të dërgojnë gjithsej 5 milion doza deri në fund të majit.
Kjo do të jetë e mjaftueshme për të inokuluar një të katërtën e popullsisë së Hungarisë me rreth 10 milion njerëz.
Duke pritur dërgesën në aeroportin e Budapestit, Ambasadori i Kinës në Hungari Qi Dayu tha: “Shpresojmë që vaksinat të mund të ndihmojnë të gjitha vendet në botë, duke përfshirë vendet europiane për të trajtuar pandeminë dhe për të ndihmuar njerëzit e tyre të rimëkëmbin shëndetin.”
Kryeministri Viktor Orban ka thënë se dëshiron të marrë vaksinën Sinopharm. Grupet hungareze të opozitës e quajtën të shpejtë miratimin e dozës, por Sinopharm do të përbëjë një pjesë të madhe të fushatës së vaksinimit të Hungarisë.
Javën e kaluar, Hungaria filloi të përdorë vaksinën ruse Sputnik. Vendi modernizoi procesin e tij rregullues në mënyrë që të mund të plotësonte shpërndarjen e vaksinave të BE-së. Zyrtarët thonë se ata shpresojnë se Hungaria mund të jetë një udhëheqëse Europiane në inokulimin COVID-19.
“Ne përpiqemi të shpëtojmë jetë dhe të ruajmë ekonominë dhe po luftojmë së bashku me miqtë tanë kinezë kundër COVID-19”, tha Sekretari i Shtetit i Hungarisë Tamas Menczer. “Kështu që thjesht do të doja të nënvizoja përsëri, është një ditë shumë e rëndësishme për Hungarinë.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.