Hungaria i vjen në ndihmë Shqipërisë/ Cakaj: Kanë mbërritur sot 100 mijë maska dhe 5 mijë veshje mbrojtëse mjekësore
Ministri i Jashtëm në detyrë, Gent Cakaj ka bërë me dije se ka pritur sot në aeroportin “Nënë Tereza” Ministrin e Punëve të Jashtme dhe Tregtisë së Hungarisë, Péter Szijjártó.
“Szijjártó, sot, në emër të Hungarisë solli me vete 100.000 maska dhe 5000 veshje mbrojtëse mjekësore për ta mbështetur Shqipërinë në luftën kundër COVID-19,” shkruan Cakaj.
Ministri është shprehur se me bashkëpunim të ngushtë e solidaritet të gjerë, kjo luftë do të ketë vetëm një epilog: fitoren tonë përfundimtare mbi COVID-19.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.