Hyn në fuqi ligji i ri antiduhan, ndalohen edhe cigaret elektronike e shishat-Manastirliu: 6 fishim gjobash për subjektet që shkelin ligjin

Ministria e Shëndetësisë deklaron inteksifikimin e operacionit kundër konsumit të duhanit në lokale. Ministrja Ogerta Manastirliu paralajmëron se do të ketë 6 fishim gjobe dhe pezullim aktiviteti për subjektet që  shkelin ligjin në mënyrë të përsëritur.

“Nuk është një aksion sporadik, inspektorët e shëndetësisë do të jenë çdo ditë në terren për të monitoruar zbatimin e ligjit për mbrojtjen e shëndetit nga duhani, përfshirë edhe cigaret elektronike, shisha/nargjile dhe çdo lloj produkti duhani. Nëse nuk respekton ligjin, nuk falesh!  6-fishim gjobe -pezullim aktiviteti për subjektet që shkelin ligjin në mënyrë të përsëritur” shkruan Manastirliu.

Ligji i ri “Për mbrojtjen e shëndetit nga produktet e duhanit”, i cili parashikon forcimin e  një sërë masash hyn  në fuqi ditën e sotme (15 gusht). Ndryshimet parashikojnë ndalimin e përdorimit të cigares elektronike, duhanit me ngrohje apo shisha/nargjile, në ambiente të mbyllura. Ndryshimet e fundit ligjore rrisin edhe masat penalizuese ndaj subjekteve që gjenden në shkelje të ligjit.

Gjoba për të gjithë subjektet që shkelin ligjin për pirjen e duhanit në ambientet e brendshme, është 300 mijë lekë.

Ligji i ri parashikon gjithashtu heqjen nga tregu të paketimeve të vogla që kanë nga 10 cigare por ky proces do të realizohet në një periudhë 2 vjeçare.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.