Hyn në fuqi ndalimi i pjesshëm i automjeteve me naftë – Hamburg, gjoba për të gjithë shkelësit

Hamburgu do të hyjë në histori ditën e sotme si vendi i parë që ndalon kalimin e kamionëve dhe makinave me naftë  në disa nga rrugët e qytetit.

Kjo vjen si një përpjekje për të përmirësuar cilësinë e ajrit në këtë qytet. Hamburgu u bë qyteti i parë gjerman që kufizon kalimin e makinave me naftë pas Gjykata Federale Administrative vendosi që qytetet dhe komunat gjermane kanë të drejtë të vendosin kufizime të tilla.

Ndalimi i pjesshëm paraqet një fitore për grupet mjedisore, të cilët kanë avokuar për përmirësimin e cilësisë së ajrit në qytetet gjermane.

Por kjo është një goditje për prodhuesit e automjeteve, të shtangur nga skandali i manipulimit të naftës që ka tronditur industrinë dhe ka çuar në një rënie në kërkesën e konsumatorëve për makinat me motor nafte.

Makinat me naftë dhe kamionët e vjetër do të ndalohen nga një shtrirje prej 580 metrash nga “Max-Brauer-Allee”, një arterie e madhe që shkon në anën veriperëndimore të qytetit, ndërsa kamionët më të vjetër me naftë do të ndalohen rruga kryesore që hyn në qytet nga veriperëndimi.

Do të ketë disa përjashtime për banorët dhe qyteti do të zbatojë plane alternative rruge në mënyrë që njerëzit të kenë mundësi të shmangin këto dy rrugë.

Ndalimi prek të gjitha makinat me naftë që nuk i plotësojnë standardet e emetimeve të Euro-6 dhe shkelësit do të gjobiten me 25 euro për makinë dhe 75 euro për kamionët.

Por në fazat e hershme të planit, policia do të kryejë ndalesa të rastësishme dhe do të lëshojë paralajmërime nëse është e nevojshme. Gradualisht, pas një periudhe tranzicioni, qyteti do të kthehet në zbatimin e plotë të gjobave.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.