I çmendur pas Ferrari – Kush është koleksionisti i makinave me çmime të majme!?
Piloti Charles Leclerc, lider i kampionatit botëror të Formula 1, është një entuziast i makinave sportive saqë shquhet për një garazh plot me Ferrari.
Një nga makinat e tij më të çmuara është Ferrari GTC 4 Lusso me motorin 6.3-litërsh V12 që jep 690 kf dhe 702 Nm çift rrotullues. Arrin nga 0 në 100 km/h për 3,5 sekonda dhe kap shpejtësinë maksimale prej 345 km/h. Vlera e kësaj makine në në treg vlerësohet në 300,000 dollarë.
Ndër të tjera ai zotëron një SF90 Stradale e cila është e pajisur me një motor të fuqishëm 4.0-litërsh me turbo të dyfishtë V8. Përshpejtimi nga 0 në 100 km/h për 2 sekonda, ndësa shpejtësia maksimale arrin 340 km/h. Nuk ka mbaruar ende: piloti zotëron një Portofino që mburret me një motor V8 3.9 litra dhe jep 612 kf dhe 760 Nm. Shpejtësia maksimale arrin në 320 km/h.
Por një nga modelet më të lakmuara të Leclerc është Ferrari 488 Pista Spider i fuqizuar nga një motor V8 me turbo të dyfishtë që gjeneron 721 kf dhe 770 Nm. Shpejtësia maksimale është 350 km / h. E në fund është makina me një vend, e cila është e paçmueshme për Charles: Ferrari me të cilin ai fitoi në Monza në vitin 2019./la Repubblica
V.G/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.