I dërguari amerikan për Ballkanin takon Bashën – Escobar: PD e angazhuar për integrimin e Shqipërisë në BE. E ftova kreun e opozitës në SHBA
I dërguari special i Shteteve të Bashkuara të Amerikës për rajonin e Ballkanit, Gabriel Escobar, e ka nisur turin e takimeve në Tiranë nga Kreu I Partisë Lulzim Basha. Në fund të takimit zyrtari I lartë amerikan u shpreh i lumtur për takimin e tij me opozitën dhe angazhimin që ajo ka premtuar për integrimin e Shqipërisë në BE. Ai shtoi se e ka ftuar Lulzim Bashën në Uashington për një vizitë zyrtare.
Kreu i PD-së, Lulzim Basha than ë përfundim të takimit se bisedimet u përqendruan te lufta kundër korrupsionit, duke theksuar se PD mbetet e vendosur të vijojë betejën në këtë drejtim. Basha konfirmoi se po planifikon vizitën në shtetet e Bashkuara të Amerikës.
Escobar mbërriti në Tiranë të enjten ku po zhvillon nje sërë takimesh me përfaqësues të Qeverisë e opozitës.
Basha ka pranuar ftesën e Gabriel Escobar për të zhvilluar një vizitë zyrtare në Uashnington. Pas takimit me të dërguarit të SHBA për Ballkanin, ai konfirmoi se po planifikon vizitën.
Ai shtoi po ashtu se me Escobar bisedimet u përqendruan te lufta kundër korrupsionit, duke theksuar se PD mbetet e vendosur të vijojë betejën në këtë drejtim. Sipas Bashës, korrupsioni është kyçi për zgjidhjen e problemeve që ka sot Shqipëria.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.