Ibrahimaj prezanton Drejtorin e ri të Tatimeve: Vazhdim i reformave të nisura gjatë 2 viteve të fundit!

Ministrja e Financave Delina Ibrahimaj prezantoi zyrtarisht Drejtorin e ri të Përgjithshëm të tatimeve Ceno Klosi.

Sipas ministres gjatë prezantimin u diskutua rreth vazhdimit me sukses të disa prej reformave të nisura nga Administrata Tatimore kryesisht në dy vitet e fundit, mbi nevojën për modernizimin e mëtejshëm të institucionit, zbatimin e plotë të reformës së Fiskalizimit, rritjen e mëtejshme të performancës së të ardhurave, luftën kundër evazionit fiskal, si dhe përmirësimin e mëtejshëm të shërbimeve ndaj tatimpaguesve.

“Jam e bindur se Klosi falë përvojës në sistemin financiar, por edhe si drejtues në institucione të rëndësishme do të arrijë me sukses të përmbush objektivat,” u shpreh Ibrahimaj.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.