Idrizi në “Passport”: Negociatat Shqipëri-Greqi, çamët e Greqisë të marrin statusin e minoritetit! Nuk jemi kundër një marrëveshje
Kryetari i PDIU Shpëtim Idrizi deklaron se një nga kërkesat kryesore që ka PDIU është që çamët e Greqisë të marrin statusin e minoritetit në Greqi, por gjithashtu të kthehen në shtëpitë e tyre që do të thotë zgjidhje të çështjes së pronës, për të vijuar me vendosjen e një memoriali në kujtim të viktimave.
Duke folur në emisionin “Passport” të gazetarit Arbër Hitaj në SCAN, Idrizi flet për negociatat mes Shqipërisë dhe Greqisë për të zgjidhur çështjet e prapambetura mes 2 vendeve.
Zoti Idrizi sqaron se në lidhje me çështjen e detit nuk duhej që pala shqiptare të fillonte negociata me këtë aspekt por me çështjen e pazgjidhur të kufirit tokësor.
Ndërsa në lidhje me negociatat zoti Idrizi thotë se ministria e Jashtme shqiptare duhet të ketë prioritet interesin kombëtar, ndërsa thekson se pala greke është shumë e përfshirë dhe intimidon vazhdimisht politikanët shqiptar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.