IGJEUM paralajmëron rrezik nga përmbytjet – Pritet rritje të nivelit të ujit në liqenin e Shkodrës, lumin Buna dhe Vjosë
Sipas llogaritjeve të IGJEUM, si pasojë e reshjeve intensive të rëna, pritet rritje e niveleve në Lumenjtë Drin-Buna dhe Liqenin e Shkodrës. Rritja e nivelit të ujit në Liqenin e Shkodrës dhe Lumin Buna mund të sjellë rritje të rrezikut të përmbytjeve lokale në disa zona në afërsi të liqenit dhe në zonën e Nënshkodrës.
Prurje të larta me rrezik nga përmbytjet lokale do të ketë edhe Lumi Vjosa. Lumenjtë e tjerë në gjithë territorin pritet të kenë prurje të larta por me tendencë ulje të rrezikut në ditët në vazhdim. Ky informacion do të përditësohet nga IGJEUM sipas llogaritjeve më të fundit hidrologjike si dhe do të njoftoheni për çdo ndryshim në parashikimin e rrezikut të përmbytjeve.
Sot pasdite (e martë, dt. 26) dhe nesër (e mërkurë, dt. 27) priten reshje të dobëta në të gjitha qarqet njofton IGJEUM.
Në veri, verilindje dhe juglindje të vendit, sot reshjet priten të jenë në formë dëbore në lartësitë më të mëdha se 300m mbi nivelin e detit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.