Ilaçi i Roche për të trajtuar Covid-19. Ngadalësohen provat, prej mungesës së të infektuarve në Britani
Gjiganti zviceran i barnave, Roche, po sheh për një vendndodhje tjetër për të zhvilluar provat e ilaçit për të lufutar Covid-19, pas rënies së rasteve në Britani, ç’ka e ka bërë të vështirë për të gjetur pacientë mjaftueshëm për studimin. Roche dhe partneri në Boston, “Atea Pharmaceuticals”, shpresojnë që ilaçi i tyre AT-527 mund të ofrojë një terapi anti-virale për të trajtuar Covid-19, ç’ka mund të jetë më lehtë dhe e lirë për t’u administruar, se trajtime të tjera.
Kryetari i bordit të kompanisë, Christoph Franz, kishte thënë se priteshin të dhëna për ilaçin brenda disa javëve dhe se shpresonte të mund të luftohej pandemia me 1 ilaç deri në fund të vitit. Megjithatë, suksesi i reduktimit të rasteve në Britani me vaksinimin e sdhpejtë dhe karantinën e ashpër, e ka bërë më të vështirë për të mbledhur të dhëna për prova në vend.
“Nuk ka më pacientë të mjaftueshëm që të dalin vullnetarë”- deklaroi kompania. Një nga sfidat që prej nisjes së pandemisë ka qenë krijimi i laboratorëve në vatra të Covid, ndërkohë që pandemia është zhvendosur më vonë në vendndodhje të tjera, sipas kompanisë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.