ILD, 3 mijë dosje nëpër sirtarë – Metani: Kemi nisur 8 hetime gjatë vitit 2020, nga qytetarët janë bërë 750 denoncime
Inspektorati i Lartë i Drejtësisë, organi i krijuar në vitin 2020 për të hetuar korrupsionin në gjyqësor, duket se nuk do ta ketë aspak të lehtë ekzistencën. Ndërsa nuk është plotësuar ende me staf, në arkivat e tij janë grumbulluar rreth 3 mijë dosje në pritje të shqyrtimit. Kreu i këtij institucioni Artur Metani ka raportuar të enjten në Kuvend, se gjatë vitit të shkuar, ILD ka mundur të hetojë vetëm 8 raste. Metani tha se shumë të larta mbeten pritshmëritë nga publiku për këtë institucion, duke bërë me dije se nga qytetarët kanë mbërritur gjatë vitit 2020 rreth 750 ankesa.
Inspektori i Lartë i Drejtësisë ka nisur funksionin vitin e shkuar, ndërkohë problem mbetet plotësimi I tij staf, veçanërisht me inspektorët magjistratë.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.