Ilir Kalemaj në ‘Argument’: ”Shqiptarët kanë vullnetin për të punuar dhe ndërtuar por politika nuk i mbështet ata, por përkundrazi i pengon.”
Ilir Kalemaj, ishte pjesë e panelit, në ‘Argument’. Tema në fokus, e të hënës në mbrëmje, ishte kriza politike në vend, por parë nëpërmjet këndvështrimit akademik. Kalemaj, ka theksuar se edhe në këtë gjendje që ndodhet politika shqiptare, ende ka një anë pozitive.
‘’Kriza të tilla,janë të ‘shëndetshme’, pasi kur palët bëhen bashkë dhe bëjnë sisteme të përbashkëta, shkaktojnë më shumë dëme. Ose duhet të jenë kundër njëri tjetrit, për të pasur në fokus interesat e popullit, ose duhet të bëhen bashkë vetëm nëse vendosin të ndryshojnë sistemin, dhe ta bëjnë atë proporcional për të gjithë.”
Sipas Kalemaj, problematika në Shqipëri vjen nga një politikë e paaftë dhe e pashkolluar e cila fokusohet vetëm tek interesat e veta. Shqiptarët kanë vullnetin për të punuar dhe ndërtuar por politika nuk i mbështet ata, por përkundrazi i pengon.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.