Imazhet/Çfarë po ndodh në protestat e “jelekëve të verdhë” në Paris?
Fundjava e katërt e protestave antiqeveritare është bërë shumë e dhunshme. Policia në Paris ka reaguar me gaz lotsjellës ndaj protestuesve. Rreth 5,000 demonstrues janë mbledhur në qendër të qytetit dhe të paktën 211 persona janë arrestuar ditën e sotme. Rreth 8,000 oficerë dhe 12 automjete të blinduara janë vendosur vetëm në Paris, dhe gati 90,000 në të gjithë gjithë vendin.
Lëvizja “jelekëve të verdhë” nisi si reagim ndaj planit të qeverisë franceze për tatimin mbi karburantin, por ministrat thonë se situata është rrëmbyer nga protestuesit “ultra-të dhunshëm”. Javën e kaluar, qindra njerëz u arrestuan dhe u plagosën në dhunën në Paris – disa nga përplasjet më të këqija të rrugëve në kryeqytetin francez për dekada të tëra.
Rreth 5,000 vetë u mblodhën në Champs-Elysées dhe marshuan në një distancë të shkurtër me kordonin policor, ku u ndalën. Ka pasur disa konfrontime, mes policisë dhe protestuesve aq sa policia qëlloj me gaz lotsjellës drejt tyre, ndërsa tensionet u ndezën. Gazi besohet të jetë shumë më i fortë se substancat e përdorura më parë. Gazetarja e “Le Monde”, Aline Leclerc, shkroi në Twitter se kishte më pak protestues dhe se policia po kërkonte çanta dhe konfiskonte sende të tilla si helmeta dhe syze. Ajo tha se demonstruesit ishin kryesisht meshkuj të moshës ndërmjet 20 dhe 40 vjeç, pasi gratë dhe pleqtë u larguan nga kërcënimi i dhunës. Hugh Schofield i BBC, që ndodhet në Champs-Elysées, thotë se i është thënë nga protestuesit se maska e tyre, e përdorur për tu mbrojtur kundër gazit lotsjellës, ishte hequr nga policia.
Policia ka ndaluar më shumë se 480 persona në Paris dhe të paktën 211 janë në paraburgim.Kryeministri Edouard Philippe tha se numri i arrestimeve ishte më i madh se gjatë gjithë fundjavës së kaluar. “Ne do të sigurojmë që pjesa tjetër e së shtunës të shpaloset në kushtet më të mira të mundshme,” tha ai.
Ndërkohë në periferi të Parisit, protestuesit bllokuan “Porte Maillot”, një nga rrugët kryesore në qytet. Jelekët e verdhë ndaluan për pak kohë trafikun në rrugën unazore, në Bulevardin periferik , përpara se të pastroheshin nga policia.
Rreth 65,000 oficerë të sigurisë u vendosën në të gjithë vendin fundjavën e kaluar, por kjo është rritur në 89,000, edhe pse ministri i brendshëm Christophe Castaner tha se priste më pak protestues sesa fundjavën e kaluar. Forcat e sigurisë po përpiqen të parandalojnë përsëritjen e fundjavës së kaluar në kryeqytet, ku u shkatërrua Harku i Triumfit, policia u sulmua dhe makinat u përmbysën dhe u dogjën.
Z. Castaner u zotua për “zero tolerancë” ndaj dhunës. “Sipas informacionit që kemi, disa njerëz të radikalizuar dhe rebelë do të përpiqen të mobilizohen, disa njerëz ultra të dhunshëm duan të marrin pjesë” tha ai .
Çfarë ka pranuar qeveria?
Qeveria ka thënë se po heq dorë nga rritja e taksave të papërpunuara të karburanteve në buxhetin e saj dhe ka 2019. Problemi është se protesta ka shpërthyer mbi çështje të tjera. Protestuesit po bëjnë thirrje për paga më të larta, taksa më të ulëta, pensione më të mira, kërkesa më të lehta për universitetet dhe madje edhe per dorëheqjen e presidentit.
Ndërkohë Macron do të flasë javën e ardhshme. Ai do tu drejtohet francezëve për krizën e “jelekëve të verdhë”. Në këtë dalje publike, kreu i shtetit francez nuk ka në plan “t’i hedhë benzinë zjarrit”. Mediat franceze shkruajnë se Macron është “shumë i shqetësuar” dhe po ndjek nga afër situatën e sigurisë në kryeqytet.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.