Impianti i Fierit – Rama: I përmbahet standardeve të BE , do ndërtohen edhe në qytete të tjera
Përfundon faza e parë e projektit për impiantin e trajtimit të mbetjeve urbane të qarkut Fier.
Kryeministri Edi Rama u ndal këtë fundjavë në inspektimin e projektit ku ka hedhur poshtë akuzat e vazhdueshme ndaj këtij impianti dhe vlerësoi se ai i përmbahet standardeve të përcaktuara nga Bashkimi Europian. Por ndërtimi i impianteve të tilla nuk do të ndalet, sipas kryeministrit do të vijojnë të ndërtohen edhe në qytete të tjera gjë e cila sipas tij do të kthejë mjedisin në parametrat normal duke eliminuar ndotjet .
Gjatë vizitës në Fier kryeministri Edi Rama së bashku me ministren e Shëndetësisë dhe Mbrojtjes Sociale Ogerta Manastirliu vizitoi pavijonin e ri, i cili shënon qendrën e katërt publike të hemodinamikës që mbulon me shërbim jugun e vendit. Ministrja Manastirliu u shpreh se me çeljen e këtij pavijoni, do të reduktohet ndjeshëm lista e pritjes dhe ulet fluksi i pacientëve QSUT.
Rama i shoqëruar nga Kryetari i Kuvendit dhe deputet i Qarkut Fier, Gramoz Ruçi dhe ministri i Bujqësisë, Bledi Çuçi u ndal edhe në një rej serave në këtë qark për të parë nga afër investimin e mbështetur dhe nga skema kombëtare e mbështetjes teksa garantoi vazhdimin e mbështetjes për fermerët e interesuar për të financuar dhe rritjen e eksporteve
Sipas drejtores së Agjencisë për Zhvillim Bujqësor dhe Rural, Frida Krifca, gjatë viti 2018 ky qark ka përfituar rreth 3.1 milionë euro mbështetje për fermerët.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.