Importet e Kinës në gusht kalojnë pritshmëritë – Eksportet “lënë për të dëshiruar”

Kina raportoi se eksportet e muajit gusht u rritën me 5.5 për qind krahasuar me një vit më parë në terma dollari ndërkohë që importet u rritën me 13.3 për qind në terma dollari.

Këtë gusht, analistët e anketuar nga Reuters prisnin një rritje prej 6.0 për qind të eksporteve kineze krahasuar me gushtin e në viti më parë në terma dollari.

Ndërkohë që importi i muajit gusht ishte parashikuar të rritet me 10.0 për qind në të njëjtën periudhë.

“Të dhënat e fuqishme të importit sugjerojnë se kërkesa e brendshme mund të jetë më elastike se sa pritej në gjysmën e dytë”, shkruan në një shënim Louis Kuijs, kreu i ekonomisë së Azinë në Oxford Economics.

Për sa i përket eksporteve, duket një zbutje të kërkesës globale momentale, edhe pse një rritje e dërgesës për Azinë në zhvillim dhe SHBA të kompensojnë ekspansionin e ngadalësuar të eksportit në BE dhe Japoni, shtoi Kujis.

Ngadalësimi i rritjes së eksporteve mund të jetë i përkohshëm, tha ekonomisti i lartë ANZ në Kinë, Betty Wang.

Edhe me forcën e fundit në monedhën kineze, roli i Kinës në zinxhirët e furnizimit global nuk ka gjasa të zëvendësohet në afatshkurtër, pasi konkurrenca e eksportit të vendit ndryshon nga vlerat e ulëta në produktet e teknologjisë së lartë, shtoi Wang.

Bilanci tregtar i Kinës në gusht ishte 41.99 miliardë dollarë, referuar të dhënave nga Administrata e Përgjithshme e Doganave.

Suficiti i vendit me Shtetet e Bashkuara u rrit në 26.23 miliardë dollarë nga 25.2 miliardë dollarë që ishte në muajin korrik. Tregtia e të dy vendeve shihet midis tensioneve aktuale midis gjigantëve ekonomikë rreth praktikave tregtare.

Të dhënat ekonomike të Kinës po tregojnë rritje të fuqishme përpara ndryshimeve të lidershipit më vonë këtë vit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.