Imuniteti natyror, më i mirë se vaksina – Të shëruarit nga Covid-19, rrezik më të ulët për t’u infektuar nga Delta
Sipas një studimi në Izrael, njerëzit që janë shëruar nga Covid-19, gjatë valës së hershme të pandemisë, kanë një rrezik më të ulët për t’u infektuar nga varianti Delta, krahasuar me ata që kanë marrë të dyja dozat e vaksinës së Pfizer.
Njerëzit të cilët janë shëruar nga Covid-19 gjatë valës së hershme të pandemisë, duket se kanë një rrezik më të ulët për t’u infektuar nga varianti Delta, sesa ata që kanë marrë të dyja dozat e vaksinës së Pfizer. Analiza më e madhe në botë që krahason imunitetin natyral, të fituar nga një infektim i hershëm, dhe mbrojtjen e ofruar nga një ndër vaksinat më të fuqishme, tregoi se riinfektimi ishte shumë më pak i zakonshëm.
Dokumenti i publikuar nga studiuesit në Izrael bie ndesh me studimet e mëparshme, të cilat tregonin se imuniteti nga vaksinat ofronte një mbrojtje më të mirë se një infektim i hershëm, megjithatë ato studime nuk përfshinin variantin Delta. Rezultati është një lajm i mirë për pacientët që e kanë kaluar me sukses betejën me Covid-19.
Njerëzit që kishin marrë të dyja dozat e Pfizer kishin 6 herë më shumë mundësi të infektoheshin me variantin Delta dhe shtatë herë mundësi të kishin simptoma, krahasuar me ata që ishin shëruar nga Covid-19. Gjithashtu, analiza tregon se mbrojtja nga një infektim i hershëm zbehet me kalimin e kohës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.