Imunologu i njohur amerikan Fauci është nëpunësi më i paguar në Amerikë. Paga e tij, edhe më e lartë se e presidentit
Anthony Fauci është nëpunësi shtetëror më i paguar në Shjtetet e Bashkuara të Amerikës, duke kaluar edhe vetë Presidentin. Sipas Forbes, në 2019 imunologu i njohur amerikan ka marrë një pagë prej 417 mijë e 608 dollarësh, duke e bërë atë mjekun më të paguar në qeverinë federale.
Paga e presidentit Joe Biden dhe e të gjithë presidentëve amerikanë është 400 mijë dollarë në vit.
Sipas Forbes, nëse Fauci do të mbajë detyrën që ka deri në 2024 do të çojë në shtëpi një total prej 2 milionë e gjysëm dollarësh, duke përjashtuar këtu ndonjë rritje të mundshme page. Në një periudhë 10 vitesh, nga 2010 deri në 2019 ai ka fituar 3 milionë e 600 mijë dollarë. Në vitin 2014 paga e tij ishte 335 mijë dollarë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.