Inaugurimi më i paprecedent në histori, “SHBA si në luftë” – 25 mijë gardistë në ‘vetting’ për t’u përballur me protestuesit
FBI po verifikon të gjithë 25,000 trupat e rojeve kombëtare që mbërrijnë në Uashington për inaugurimin e presidentit të zgjedhur Joe Biden në mes frikës se një sulm i brendshëm mund të ndodhë më 20 Janar.
Komandantët janë paralajmëruar të jenë në vëzhgim të problemeve brenda radhëve të tyre dhe anëtarët e Gardës janë duke u trajnuar për të identifikuar kërcënimet e mundshme të brendshme.
Paralajmërimi erdhi pasi protestat në të gjithë vendin panë vetëm një grusht gardistësh të armatosur që paraqiteshin në demonstratat e planifikuara të së djathtës ekstreme.
Pas kryengritjes pro-Trump në Capitol të SHBA në 6 Janar, guvernatorët në shumë shtete kanë mobilizuar rojet kombëtare, kanë ngritur kangjella rreth ndërtesave qeveritare dhe në disa raste edhe kanë anuluar takime, mes paralajmërimeve nga agjencitë e zbatimit të ligjit për protesta të armatosura në të gjitha 50 shtetet përpara inaugurimit të Biden.
Studiuesit që monitorojnë grupet ekstremiste thanë se ndalimet dhe heqjet e llogarive në internet të ekstremit të djathtë në 10 ditët e fundit kishin lënë shumë grupe në çrregullim dhe se arrestimet e vazhdueshme të njerëzve që morën pjesë në sulmin e Kapitolit gjithashtu kanë dhënë një efekt parandalues.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.