Inaugurohet agjencia e Barnave dhe Pajisjeve Mjekësore, Rama: Në 7 vite ndryshim radikal i shëndetësisë, Manastirliu: Agjencia, rol rregullator
Kryeministri Edi Rama dhe Ministrja e shëndetësisë Ogerta Manastriliu, inaguruar ambientet e reja të Agjensisë Kombëtare të Barnave dhe pajisjeve mjekësore. Kryeministri tha se në 7 vite shëndetësia ka patur një ndryshim të jashtëzakonshëm. Ndërsa Manastirliu tha se kjo agjensi do të shërbejë si një rregullator jo vetëm për produktet e importit por edhe ato vendase.
Së bashku me ministren e shëndetësisë Ogerta Manastriliu, kryeministri Edi Rama ka inaguruar ambientet e reja të Agjensisë Kombëtare të Barnave dhe Pajisjeve Mjekësore. Në fjalën e tij kryeministri tha se në 7 vjet shëndetësia ka ndryshuar rrënjësisht, duke përmendur faktin se para ca vitesh, ishin në përdorim pajisje të prodhuara në vitet 70. Ndërsa barnat janë ulur me 30|%.
Nga ana e saj ministrja Amanstriliu tha se kjo agjensi do të ketë një rol rregullator për kontrollin e cilësisë së barnave të importuara dhe vendase por edhe për pajisjet mjekësore.
“Kjo Agjenci tashmë disponon kushtet për të qenë një rregullator i mirëfilltë i tregut dhe shërbimit farmaceutik, nga produktet e importit tek prodhimi vendas, njësoj si simotrat në Europë. Laboratorët e rinj të ndërtuar e pajisur, janë garancia, për të rritur sigurinë e barnave. Dyfishohet numri analizave dhe gama e tyre, duke realizuar analiza për kategori barnash që nuk janë kryer ndonjëherë, si psh. ato citostatike (tumorale), imunoterapitë dhe gjithë kategoritë e tjera të produkteve farmaceutike, duke aplikuar procedurat e Farmacopesë Europiane, në të cilën tashmë jemi anëtarë. Laboratoret e rinj, me pajisjet e reja, do të sjellin ndryshimin e pritshëm sa i përket kontrollit dhe cilësisë së barnave në treg”, tha Manastirliu
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.