Indeksi/Vendet më të mira dhe të këqija për gratë, Shqipëria renditet e 60-ta nga 153 vende

Nga viti i ardhshëm gratë në Arabinë Saudite do të lejohen të drejtojnë automjetet. Vendimi u mor nga qeveria saudite në muajin shtator, ndërsa pritet të hyjë në fuqi qershorin e 2018-ës.

Ndalimi ka bërë dëme të pallogaritshme për reputacionin e mbretërisë për vite dhe ndërkombëtarisht, është parë si një simbol i shtypjes femërore. Arabia Saudite nuk është e vetme në trajtimin e saj të dobët të grave.

Një indeks i ri ka matur statusin e grave në 153 vende anembanë botës. Shqipëria renditet mes vendete të gjysmës së parë, në vendin e 60, e lënë pas kështu nga gjithë vendet e Ballkanit, ku Serbia renditet e 24-ta, Mali i Zi i 36-ti, Maqedonia e 38-ta.

Instituti Georgetown për Gratë, Paqen dhe Sigurinë dhe Instituti për Kërkimin e Paqes në Oslo kanë publikuar “Indeksin Global të Grave, Paqes dhe Sigurisë”, i cili vlerëson mirëqenien e grave duke vlerësuar faktorë si përfshirja, drejtësia dhe siguria në 153 shtete.

Islanda kryeson botën përpara Norvegjisë dhe Zvicrës, ndërsa SHBA është në vendin e 22-të. Një arsye e mundshme që SHBA vjen pas shumë vendeve të Europës mund të jetë mungesa e plotë e lejes së lindjes.

Vendet më pak paqësore dhe të paqëndrueshme Afganistani dhe Siria shënojnë më dobët në indeks dhe renditen të dyja në fund. Po kështu, Jemeni është aktualisht në mes të një lufte të përgjakshme civile dhe vjen e treta nga fundi. Pakistani është gjithashtu ndër vendet më të këqija në indeks me studimet që zbulojnë se dhuna në familje është e përhapur ndërsa mijëra gra dhe vajza vriten çdo vit në “vrasjet e nderit”.

Fituesi i çmimit Nobel, Malala Yousafzai është një shembull i dukshëm se sa e rrezikshme mund të jetë Pakistani për gratë. Ajo u qëllua dhe pothuajse u vra në vitin 2012 për të folur publikisht për rëndësinë e edukimit për vajzat.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.