India, e rëndësishme në vaksinën e Covid – Pritet të jetë prodhuesi i dytë më i madh pas SHBA këtë vit
India mund të bëhet prodhuesi i dytë më i madh i vaksinave të Covid-19, ndërkohë që vendi ka kapacitet për të prodhuar si për popullsinë e vetë edhe për vendet në zhvillim. Shumica e vaksinave në botë kanë ardhur historikisht nga India. Edhe përpara Covid-19, Vendi ka prodhuar 60% të vaksinave në botë dhe e bën këtë me kosto realitivisht të ulët. Analsitët thonë se duhet të jetë një partner strategjik në imunizimin botëror ndaj Covid-19.
Firma e konsulencës, Deloitte, parashikon se India do të jetë vendi i dytë, pas Shteteve të Bashkuara, në prodhimin më të madh të vaskinave këtë vit. Sipas firmës, mbi 3.5 miliardë vaksina mund të prodhohen nga vendi në 2021, krahasuar me 4 miliardë në SHBA. Për më tepër, kompanitë në Indi, kanë nisur të rrisin prodhimin për t’i bërë ballë kërkesës, ç’ka mund të ndikojë tek vlerësimi. “Ne presim që kapaciteti vjetor të arrijë në 700 milionë doza të Covaxin që administrohet në muskul”- deklaroi firma indiane Bharat Biotech, që po zhvillon një vaksinë me këshillin shtetëror mjekësor të indisë.
Covaxin është miratuar përdorim emergjent në Indi, por ka pasur kritika të mungesës së transparencës dhe mos-publikimit të normës së efektshmërisë. Një tjetër vaksinë, e njohur si Covishield, që po zhvillohet me AstraZeneca, ka marrë gjithashtu miratim emergjencë në Indi. Sipas analizave, Instituti i Serumit në Indi, prodhon 50 milionë doza të Covishield në muaj dhe pritet ta rrisë prodhimin në 100 milionë deri në Mars. Kompani të tjera kanë rënë dakord të prodhojnë vaskina nga zhvillues si Johnson & Johnson dhe Fondit të Investimeve Direkte në Rusi, që ka zhvilluar Sputnik V.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.