India shton “arsenalin” e mjeteve kundër Covid – Miraton pilulën e Merck dhe dy vaksina të tjera për përdorim emergjent
India ka miratuar piluën antivirale të Merck dhe dy vaksina të tjera për përdorim emergjent, ndërkohë që vendi me popullsinë e dytë më të madhe në botë po përballet me një rritje të rasteve me koronavirus, për shkak të rritjes së shpejt të variantit Omicron. Ekonomia e tretë më e madhe në Azi ka bërë të ditur se do të lejojë dozat nxitëse të Covid-19 për një pjesë të popullsisë. Miratimi emergjent i arsenalit të ri vjen në një kohë që po ndërmerren masa për të shtuar furnizimin me oksigjen dhe përforcuar infrastrukturën shëndetësore të vendit.
Molnupiravir do të prodhohet në Indi nga 13 kompani për përdorim të kufizuar nën sitatuata emergjente për të trajtuar të rriturit me Covid-19, sipas Ministrisë së Shëndetësisë. Pilula antivurale e merck, Molnupiravir, u autorizua në SHBA javën e kaluar për disa pacientë të caktuar me rrezik të lartë, ndërkohë që ka treguar se ul shtrimin në spital edhe vdekjet me rreth 30% në provat klinike. Më herët gjatë vitit, Aurobindo Pharma, Cipla , Sun Pharmaceuticals dhe të tjera nënshkruan marrëveshje vullnetare jo ekskluzive me Merck qpër të prodhuar molnupiravir në Indi.
Dy vaksina të tjera, versioni indian i Novavax dhe Corbevax e prodhuar brenda vendit, u miratuan për përdorim emergjent gjithashtu. Ekspertët mjekësor kanë thënë se India duhet të dyfishojë fushatën e vaksinimit dhe dis ashtete kanë vendosur shtetrrethime gjatë natës, përpara festave të Vitit të Ri, për të parandaluar rritjen e infeksioneve dhe përsëritjen e Verës 2021, ku një valë e dytë shkatërruese solli dhjetra mijëra të vdekur. Përpjekja e vaksinimit në vend është mbizotëruar deri më tani nga AstraZeneca, e prodhuar nga Instituti i Serumit, dhe Covaxin e firmës Bharqat Biotech. India ka administruar deri më tani 1.43 miliardë doza të vaksinës së Covid-19 dhe 62% e popullsië së përshtatur ka marrë të dyja dozat e plota. Vendi planifikon të nisë vaksinimin e 15-18 vjeçarëve më datë 3 Janar.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.