Industria e aviacionit, në rrezik/ Koronavirusi bllokon tregun më të madh të fluturimeve në botë

Fuqizimi i ekonomisë kineze ka sjellë një rritje të madhe të aviacionit në të gjithë botën në dekadën e fundit, por ndërkohë që vendi kufizon fluturimet përballë koronavirusit, industria mund të pësojë një goditje.

United Airlines, Air Canada, Cathay Pacific dhe Finnair, janë ndër linjat që kanë anuluar fluturimet drejt Kinës. British Airëays ndaloi prenotimet e fluturimeve direkte nga Londra në Pekin dhe Shangai deri në muajin Mars.

Virusi përfaqson kërcënimin më të madh epidemik ndaj industrisë ajrore që prej SARS, që në Prill 2003 solli një rënie prej 45% të kërkesës për pasagjerë në Azi.   Industria botërore e linjave ajrore ka qenë në përfitueshmëri në 10 vitet e fundit, sipas Shoqatës Ndërkombëtare të Transportit Ajror (IATA).  Linjat ajrore janë në pozitë financiare më të mirë se në vitin 2003, por kanë shtuar gjithashtu varësinë nga Kina.

Epidemia është shqetësuese për industrinë për shkak se Kina është tregu më i madh në botë për fluturimet ndërkombëtare nga jashtë si dhe tregu i dytë më i madh i brendshëm i aviacionit.  Kina blen 25% të totalit të avionëve të Airbus dhe Boeing.

Në historik, trafiku ajror është rikthyer në normalitet pas shqetësimeve shëndetësore.  Në rastin e SARS, industrisë i’u desh 9 muaj që të rimëkëmbej.

Klevis Llaha/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.