Infektimet në radhët e mësuesve, Basha: “Të merrën masa. Me PD në pushtet paga minimale, 700 euro”
Me ardhjen e PD në pushtet buxheti për arsimin do të synoj shifrat e BE, ndërsa brenda mandatit të parë rroga minimale e arsimtarit të jetë 700 euro në muaj . Ky ishte zotimi i kreut të PD, lulzim Basha gjatë një takimi të zhvilluar me arsimtarë nga qytete të ndryshme të vendit, ku u njoh më vështirësitë me të cilat ata hasen çdo ditë për shkak të pandemisë.
“Investimi financiar tek i gjithë sistemi shkollor me theks edhe tek sistemi parauniversitar është zotim dhe pjesë e planit tonë në qeverisjen e ardhshme. Brenda 4 vjeçarit tonë, rroga minimale e arsimtarit shqiptar të jetë 700 euro në muaj.”
Mësuesit ankohen se janë përdorur gjatë kësaj periudhe duke u mbingarkuar pa asnjë vlerësim financiar.
“Paguhet deri 7 orë në javë, ndërkohë që ka mësues që bëjnë edhe deri në 8 orë apo 10 orë suplementare, po nuk e di ku e kanë gjetur një urdhër të brendshëm të Financave, jo më shumë se 7 orë.”
Ne nuk jemi vetëm përcjellës por edhe mbartës. Kjo është nga të dyja palët. Prandaj, dalja nga situata, mosmarrja e masave, dezinfektimi i shkollave, sepse çdo gjë duhet të fillojë nga A. Vetëm një hallkë e zinxhirit të këputet dhe çalon e gjithë procedura.”
Basha u ndal në programin e PD për arsimin duke nënvizuar investimet ne teknologji dhe tekste falas deri në klasën e 9, ndërsa theksoi se arsimi profesional i mesëm do të jetë prioritet i financuar nga qeveria.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.