Infermierë për Shqipërinë – Fituesit e fazës së dytë përzgjedhin vendet e punës në Tiranë

Fituesit e fazës së dytë që konkurruan përmes portalit ‘Infermierë për Shqipërinë’ kanë përzgjedhur vendet e lira të punës në qendrat shëndetësore dhe spitalet publike bazuar në renditjen e pikëve.

Sipas Ministrisë së Shëndetësisë dhe Mbrojtjes Sociale, vetëm në qarkun e Tiranës kandidatët që u shpallën fitues përzgjodhën sipas pikëve të marra në dy fazat e konkurrimit 45 vende vakante për infermierë dhe profesionistë të shkencave mjekësore teknike.

Ndërkohë, në këtë qark janë aktualisht 144 kandidatë ku listuar sipas pikëve, pjesë e të cilëve janë edhe fituesit e dalë nga testimi i parë të cilët deri më tani nuk kishin përzgjedhur vendet e punës ekzistuese. Fituesit me pikët më të larta kanë përzgjedhur të parët vendin e punës, sipas renditjes.

Ndërkohë, MSHMS njofton se gjatë javës në vijim do të mblidhen edhe komisionet për të vazhduar procesin e përzgjedhjes së vendeve të punës nga fituesit edhe për qarqet e tjera të vendit.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.