Infermierë për Shqipërinë – Listat e plota me kandidatët e kualifikuar sipas qarqeve
Ministria e Shëndetësisë dhe Mbrojtjes Sociale ka shpallur lista me kandidatët e kualifikuar për testimin për vendet vakante në institucionet shëndetësore.
Individët u regjistruan për këto vende në portalin e dedikuar “Infermierë për Shqipërinë”, ku pati një interes shumë të madh, i cili tregohet përmes numrit të lartë të aplikimeve.
Individët që gjejnë emrin në listën e qarkut përkatës ku kanë bërë aplikimin do të thotë se kanë dorëzuar në mënyrë të saktë dokumentacionin e kërkuar dhe tashmë do t’i drejtohen provimit.
Për qarkun e Tiranës testimi do të zhvillohet më 31 Mars në orën 14 në ambientet e Universitetit Mjekësor.
Për qarqet Vlorë, Fier dhe Gjirokastër, testimi është më 5 Prill në orën 14 në ambientet e Universitetit Ismail Qemali në Vlorë.
Për qarqet Elbasan, Korçë dhe Berat testimi do të zhvillohet më 4 Prill në orën 14 në ambientet e Universitetit Aleksandër Xhuvani në Elbasan.
Ndërsa për qarqet Shkodër, Dibër, Lezhë, Kukës dhe Durrës, testimi është më 3 Prill në orën 14 në ambientet e Universitetit Luigj Gurakuqi në Shkodër.
Më poshtë janë edhe listat me emrat e kualifikuar për çdo qark:
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.