Inflacioni në Eurozonë i pandryshuar në 1.5% për muajin Nëntor

Inflacionin në 19 vendet e valutës së përbashkët u rrit në 1.5% në Nëntor 2017, krahasuar me 1.4% rritje në muajin e kaluar. Në të njëjtën periudhë një vit më parë, niveli i çmimeve të konsumit u regjistrua në 0.6%.

Ndër komponentët, ndikimin më të madh pozitiv për Nëntorin e dha energjia. Ndër vendet anëtare, normat më të ulëta u regjistruan në Qipro, me 0.2%, ndjekur nga Irlanda dhe Finlanda me 0.5% dhe 0.9% në mënyrë respektive.

Niveli më i lartë i çmimeve për muajin Nëntor rezultoi në Estoni, me 4.5%, ndjekur nga Lituania dhe Mbretëria e Bashkuar me 4.2% dhe 3.1%.

Inflacioni bazë, treguesi që përjashton çmimet e luhatura të energjisë dhe produkteve ushqimore dhe që monitorohet nga Banka Qendrore Europiane, mbeti i pandryshuar në 0.9%.

Niveli i çmimeve vazhdon të qëndrojë poshtë objektivit të institucionit në pranë 2%.  Dy muaj më parë, Banka Qendrore Europiane ndërmori hapin e parë drejt heqjes së stimujve monetarë në Eurozonë, duke bërë të ditur se nga janari e tutje, do të blejë vetëm 30 miliardë euro tituj borxhi në muaj, nga 60 miliardë që blen aktualisht.

Megjithatë, institucioni zgjati afatin e programit, duke e shtyrë deri në Shtator të vitit që vjen.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.