Inflacioni në Mbretërinë e Bashkuar/ Bie në nivelin më të ulët në 3 vite. Presione për Bankën e Anglisë!
Inflacioni në Britani ra papritmas në nivelin më të ulët në 3 vite gjatë Dhjetorit, duke rritur pritshmëritë se Banka e Anglisë do të ulë normën bazë të interesit këtë muaj. Çmimet e konsumit u rritën me 1.3% me bazë vjetore nga 1.5% në Nëntor, që është rritja më e dobët që prej Nëntorit 2016, sipas zyrës Federale të Statistikave.
Paundi ra poshtë 1.3 kundër dollarit dhe çmimet e obligacioneve u rritën pas lajmërimit, që rezultoi poshtë projeksioneve të analistëve. Që prej nisjes së vitit, zyrtarët e Bankës së Anglisë kanë paralajmëruar për ekonominë britanike, duke rritur pritshmëritë për një ulje të interesave së shpejti. Disa nga politikëbërësit bënë të ditur se interesat duhet të ulen menjëherë, për shkak të tregut të dobët të punës dhe rritjes së ngadaltë ekonomike, për të shmangur kurthin e inflacionit të ulët si në Eurozonë.
Tregjet e parasë kanë vendosur një shans prej 56% për uljen e interesave në Janar. Zyra e Statistikave deklaroi se 1/3 e hoteleve të anketuara gjatë Dhjetorit kanë raportuar rënie të çmimeve. Inflacioni bazë që heq energjinë, karburantin, alkoolin dhe duhanin, ra në nivelin më të ulët në 3 vite prej 1.4%.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.