Informaliteti në lojërat e fatit – Raporti i KLSH: 1,940 subjekte të palicencuara, nuk u gjobitën
Një auditim i kryer nga Kontrolli i Lartë i Shtetit në Njësinë e Mbikqyrjes së Lojërave të fatit zbardh se tregu i lojërave të fatit vijon të shfaqë nivele shumë të larta informalitetit. Nga audimi i kryer në vitin 2017, konkludohet se në dy vitet e fundit janë konstatuar 1,940 subjekte që kanë ushtruar këtë aktivitet pa u pajisur me licencë.
KLSH tërheq vëmendjen se këta subjekte nuk janë gjobitur për aktivitetin e palicencuar, që ka sjellë edhe një total prej rreth 500 mijë dollarësh të munguara në arkën e shtetit.
Në raportin përfundimtar, KLSH konkludon se informaliteti në këtë sektor vazhdon të mbetet i lartë, ndërkohë që vë në pikëpyetje edhe aksionin e Qeverisë të ndërmarrë në vitin 2013 për uljen e evazionit në këtë sektor.
Kontrolli i lartë i shtetit bën me dije se ka vendosur që në të ardhmen të kryej një auditim performance për kur të vlerësohet efektet e masave dhe ndërmarra në vitet e fundit, përfshirë këtu edhe rezultat e aksionit “Fundi i Marrëzisë”. Ky aksion nisi me shumë bujë në vitin 2013, por duket se ka rezultuar larg pritshmërive duke parë nivelet e larta të informalitetit që raportohen në këtë sektor.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.