Instagram sjell një version të ri!- Përdoruesit mund të blejnë direkt nga aplikacioni markat më prestigjoze
Rrjeti social, Instagram, nuk do të jetë vetëm për të postuar foto dhe për të lundruar nëpër artikujt që njerëzit nga mbarë bota hedhin në të, por tashmë përdoruesit do të kenë mundësi të bëjnë blerje direkte, në një mënyrë tepër të lehtë, të produkteve nga markat më prestigjoze. Gjithçka do të realizohet me një ‘klik’!
Instagram raportoi se ka bashkëpunuar me më shumë se 20 markave, duke përfshirë këtu, Adidas, H & M dhe kompaninë kozmetike të miliardieres, Kylie Jenner dhe Michael Kors, për të realizuar një funksion të ri të këtij rrjeti social.
Nën funksionin e ri, përdoruesit do të jenë në gjendje të klikojnë në një produkt që shfaqet në një post dhe të shohin çmimin e tij, dhe pastaj të klikojnë sërish për të bërë blerjen e këtij produkti. Ata mund të zgjedhin të paguajnë me Visa, Mastercard, American Express, Discover dhe PayPal.
“Planet e Facebook-it janë që të zhvillojnë Instagram dhe Messenger në platforma të fuqishme të tregtisë elektronike ku mund të klikoni në reklama dhe të blini produktet”, tha Ivan Feinseth, një analist me Partnerët Financiar Tigress. Për momentin, ky version i Instagram, do të jetë i aksesueshëm vetëm nga përdoruesit amerikanë, por kompania deklaroi se po punon, që shumë shpejt ky funksion i këtij rrjeti social, të jetë në llogaritë e secilit përdorues në mbarë botën.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.