Instat: Lejet e ndërtimit u rritën me mbi 36 % në tremujorin e parë të 2021
Në tremujorin e parë 2021 janë miratuar gjithsej 251 leje ndërtimi për ndërtesa të reja, nga 184 leje të miratuara në tremujorin e parë 2020, duke shënuar një rritje prej 36,4 %.
Referuar të dhënave të publikuara nga Instituti i Statistikave, sipërfaqja e lejeve të ndërtimit miratuar për ndërtesa të reja, në tremujorin e parë 2021, është 599.446 metra katrorë nga 333.645 metra katrorë miratuar në tremujorin e parë 2020, duke shënuar një rritje prej 79,7 %.
Në tremujorin e parë 2021, vlera e përafërt e lejeve të ndërtimit miratuar për ndërtesa dhe punime inxhinierike është 26,6 miliardë lekë, nga 13,4 miliardë lekë miratuar në tremujorin e parë 2020, duke shënuar një rritje prej 98,9 %.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.