“Institucionet të investojnë në ndriçim publik eficent” – Kriza, Hakani: Llambat LED ulin 70% konsumin e energjisë, fatura reduktohet me 60%
Teksa qeveria ka vendosur të kufizojë ndriçimin në rrugë, si një masë për kursimin e energjisë, ekspertët theksojnë nevojën për investime në ndriçim eficent.
Lira Hakani, nga Qendra mjedisore EDEN sjell në vëmendje rastin e Bashkisë Has, ku nga zëvendësimi i llambave të vjetra, me llamba LED konsumi i energjisë është reduktuar me 74%, ndërsa fatura e energjisë elektrike për këtë institucion është ulur me 60%.
Hakani thotë se këto investime duhet të shtrihen edhe në bashki të tjera, por edhe institucionet qendrore, pasi ndonëse investimi fillestar mund të jetë i lartë, koha e kthimit të tij është relazitivisht e shkurtër.
Hakani thotë gjithashtu, se zbatimi i masave të eficencës së energjisë, shmang krizat në të ardhmen.
Aktualisht, Autoriteti Rrugor Shqiptar ka nisur ndërprerjen e ndriçimit në disa akse rrugore komëbtare, ndërkohë që ministrja e Infrastrukturës dhe Energjisë, Belinda Balluku iu ka kërkuar bashkive që të zbatojnë të njëjtat masa në rrugët që administrohen prej tyre.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.