Integrimi në BE – Shqipëria vijon punën për përafrimin e legjislacionit

Shqipëria është duke u përpjekur me të gjitha mundësit që brenda këtij viti të sigurojë hapjen e negociatave për anëtarësimin në BE. Në këtë kuadër vijon edhe puna për përafrimin e legjislacionit të BE.

Kështu Ministria e Integrimit Evropian  ka hapur proceduarat e organizimit të një tenderi me objekt” Përkthimin e legjislacionit të BE”.

Ky tender është shpallur pasi ka marrë lejen përkatëse nga Kryeministria për vijimin e proceduarave të prokurimit publik, pas pezullimit të përkohshëm që është bërë për prokurimet po nga ky institucion.

Shuma e vënë në dispozicion për ketë tender është mbi 12.5 milionë lekë pa TVSH, ndërkohë që afti i ekzekutimit të kontratës do të jetë 3.5 muaj.

Ofertat pritet që të hapen më 14 gusht dhe të shpallet dhe një fitues i cili do të ketë detyrimin për ofrimin e shërbimit si më poshtë: Përkthim të legjislacionit nga anglisht në shqip mbi 5 mijë faqe, si dhe përkthim të legjislacionit nga shqip në anglisht  mbi 6 mijë faqe.

Përparësia e akteve që do të përkthehen do të përcaktohet nga kalendari i përgatitur nga Drejtoria e Përafrimit të Legjislacionit të BE-së.

Materiali përfundimtar do ti vihet në dispozicion fituesit në ditën e nënshkrimit të kontratës.

Marrja e punës në dorëzim do të bëhet me procesverbal ndërmjet palëve ku do të rakordohen paraprakisht aktet që do të dorëzohen për përkthim dhe numri total i faqeve.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.