Integrimi i Shqipërisë në BE – Nis trajnimi i administratës publike me ekspertë të huaj
Gjatë çeljes së procesit për trajnimin e administratës publike nga ekspertë të huaj, që është një nga hapat për vijimin e negociatave të Shqipërisë për të qenë pjese e BE, ministrja e Integrimit Klajda Gjosha ka nënvizuar si kyçe përgatitjen e punonjësve. Ajo theksoi se fokusi do të jetë tek të drejtat e njeriut, liria, siguria dhe shteti i së drejtës.
Kriza politike që ka përfshirë vendin nuk do të ketë ndikim në administratën publike. Sigurinë punonjësve të shtetit ua ka dhënë Milena Harrito, ministrja e Inovacionit dhe Administratës Publike duke e mbështetur këtë deklaratë në qëndrueshmërinë që kanë dhënë reformat e ndërmarra për administratën publike.
Ky trajnim me specialistë francez bëhet në kuadër të binjakëzimit të këtij sektori me shkollën franceze.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.