Inteligjenca Artificiale tejkalon limitet – Ringjallje të zërave të së shkuarës, në produksione të reja muzikore
Për herë të parë në 25 vite, vokali dallues i yllit të Koresë së Jugut, Kim Kwang, do të dëgjohet në televizionet kombëtare duke kënduar prodhimet të reja muzikore (pas vdekjes).
Transmetuesi kombëtar SBS planifikon të përdorë inteligjencën artificiale (AI) për të rikthyer zërin e Kim në jetë në një program të ri televiziv, “Konkurrenca e Shekullit: AI vs Njeriut”, që do të transmetohet këtë javë.
Nuk është hera e parë që Inteligjenca Artificiale përdoret për të ringjallur një këngëtar në famshëm në Korenë e Jugut.
Në dhjetor, kanali muzikor Mnet transmetoi “Edhe një herë”, një shfaqje që përdori AI- në dhe hologramet e artistëve të ndjerë, për të nderuar punën e tyre.
Shfaqjet e fundit të Inteligjencës Artificiale kanë entuziazmuar adhuruesit e muzikës dhe teknologjisë së tyre, por të tjerë kanë ngritur shqetësime në lidhje me etikën dhe ligjshmërinë e ringjalljes së zërave të të vdekurve.
Krijimi i veprave të reja – ose zërave të ringjallur nga AI, gjithashtu ngre çështje të së drejtës së autorit. Kush konsiderohet pronar? Krijuesi i programit AI apo vetë sistemi AI?
Burimi origjinal: CNN
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.