Intensifikohen kontrollet anti-duhan, Manastirliu: Në 1 ditë, 886 inspektime në të gjithë Shqipërinë
Ashtu sikurse ishte paralajmëruar më herët, inspektorët anti-duhan kanë intensifikuar kontrollet për zbatimin e ligjit që ndalon konsumin e duhanit në ambiente të mbyllura. Ministrja e Shëndetësisë Ogerta Manastirliu, në një postim në rrjetet sociale, shkruan se vetëm në 1 ditë janë kryer 886 inspektime në të gjithë Shqipërinë dhe janë marrë 12 masa ndëshkuese.
“Fundjavë pune intensive për inspektorët e Inspektoriatit Shtetëror Shëndetësor me kontrolle kudo e në çdo kohë për zbatimin e ligjit anti-duhan në ambiente të mbyllura . 886 inspektime vetëm në 1 ditë në të gjithë Shqipërinë. 12 masa ndëshkuese. Kontrollet po intensifikohen për zero tolerancë me këdo që shkel ligjin, duke kërcënuar shëndetin e qytetarëve” shkruan Manastirliu.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.