Interkonjeksioni Shqipëri-Greqi – Balluku: Marrëveshje për energji me çmime më të lira. Avancon “treni” Pogradec – Jeropigji
Linja e interkonjeksionit mes Shqipërisë dhe Greqisë do të përdoret nga dy vendet për të optimizuar furnizimin me energji, me çmime më të mira nga ato që ofron tregu”. Ministrja e Infrastrukturës dhe Energjisë, Belinda Balluku zhvilloi një vizitë zyrtare në Athinë ku pati takime me Ministrin e Energjisë dhe të Ambientit, ndërkohë që në një prononcim për mediat bëri me dije se Greqia do të ofrojë asistencë edhe në drejtim të magazinimit të energjisë.
Ndërkaq, sa i takon sektorit të transportit Balluku zhvilloi një takim me homologun grek, teksa bëri me dije zhvillimet konkrete në drejtim të linjës hekurudhore,nga Pogradeci deri në daljen e Jeropigjisë në Greqi.
Në fokus të takimit ishte edhe projekti për Korridorin Blu, që përtej vonesave shumëvjeçare pritet të ketë avancime konkrete. Sipas Ballukut, këto projekte ndikojnë drejtpërdrejt në jetën e qytetarëve të dyja vendeve, teksa ka shprehur angazhimin për t’i çuar përpara këto iniciativa.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.