Interpelanca me qeverinë, ish-minatorët: Pensioni, jo më pak se 131% e pagës minimale. Kërkojmë përshkallëzim të moshës së pensionit
Ish-minatorët, themelues të sindikatës së minatorëve “Janar 1991”, në një interpelancë me kryeministrin kanë kërkuar që në projektligjin e ri për statusin e minatorit të rishikohet masa e pensionit dhe e daljes në pension.
“Ne kemi kërkuar që masa e pensionit minimal të miratohet, jo më pak se 131 për qind e pagesës minimale zyrtare. Ndërsa për pagat minimale në miniera, kemi kërkuar të jetë jo më pak se 200 për qind e pagës minimale zyrtare.
Përshkallëzimi i moshës së pensionit. Në qoftë sipas ligjit, me 12.5 vjet nëntokë, dhe 30 vjet gjithsej, del në pension 55 vjeç, dhe në tjetër që ka një muaj me pak nëntokë del në pension në moshën 65 vjeç. Ne reflektojmë që edhe këtu të vendoset përshkallëzimi, si shumica dërrmuese e vendeve të qytetëruara, pra të reflektohet përshkallëzimi, se kështu siç parashikohet është e padrejtë”.
Kryeministri Rama, deklaroi se për të zgjidhur këto kërkesa duhen bërë mirë llogaritë, dhe që qeveria dhe grupet e sindikatave të minierave duhet të bien në dakordësi, duke diskutuar gjithçka në tavolinë.
“Së pari jemi në kushtet kur ka një dialog, dhe ka një ndërveprim mes qeverisë dhe grupeve të sindikatave të minatorëve
së dyti, kemi gjithë fleksibilitetin e duhur deri aty ku e mban buxheti dhe interesi i gjerë. Sot sektori është ndryshe, seç ishte. Ka ndryshime serioze në trajtimin e minatorëve, por ka ende punë. Kemi bërë një reformë pensionesh. Dhe këtu kemi një ngërç për ata që kanë dalë në pension para reformës, që vuajnë pasojat.
Jemi të interesuar për pagën minimale dhe për përshkallëzimin e moshës së daljes në pension. Por duhet ti bëjmë bashkë llogaritë në pension.
Dhe e fundit, nevoja për të pastruar skemën, keni shumë probleme me dokumentet e trashëguara. Dhe qasja drejt statusit bëhen kërcënuese nëse nuk pastrohet skema. Duhet të përcaktohet qartë çfarë quhet një ish minator, kush mund të përfshihet në skemë etj”.
“Brenda prillit ne kemi një draft deri diku të dakordësuar. Realizuam uljen e moshës së pensionit, me kosto financiare për shtetin por ishte gjë shumë e mirë që ndodhi. Kemi pritur të vijë ky draft i dakordësuar, jemi në komunikim. Do inicioj që pas kësaj interpelance grupi i punës të takohet me sindikatat për draftin e ardhur nga një grup i sindikatave. Mendoj se paga minimale mund të realizohet. Pjesa tjetër janë çështje që kanë implikime financiare dhe ne duhet ti shohim së bashku që të gjejmë një të mesme të përbashkët”, tha ministri Gjiknuri.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.