Interpol paralajmëron: Grupe e krimit të organizuar po ‘përshtaten’ me ‘tendenca të reja’ – 121 arrestime në 90 vende në vetëm një javë!
Pandemia e COVID-19 ka “ndezur trende të reja të krimit”, tha kreu i Interpolit për Euronews, duke paralajmëruar se grupet e krimit të organizuar kanë përshtatur aktivitetet e tyre për të përfituar nga kriza globale shëndetësore.
Aktualisht nuk ka asnjë vaksinë kundër koronavirusit të ri dhe ekspertë të Organizatës Botërore të Shëndetësisë (OBSH) e parashikojnë atë “akoma 12-18 muaj larg”. OBSH gjithashtu ka theksuar se nevojiten më shumë hulumtime për të përcaktuar përfundimisht nëse ilaçe të caktuara – përfshirë ilaçin kundër malaries – mund të luftojnë kundër virusit vdekjeprurës siç avancohet nga disa mjekë në të gjithë botën.
Kreu i Interpolit gjithashtu tregoi se taktikat e tjera të përdorura nga grupet e krimit të organizuar përfshijnë “qendrat e thirrjeve kriminale”. “Ne kemi këtë formë të re të mashtrimeve telefonike,” tha ai, me anë të të cilit “njerëzit marrin telefonata nga dikush që pretendon se është zyrtar i spitalit.
Javën e kaluar, Interpol njoftoi se 121 arrestime ishin bërë në të gjithë botën në një operacion të gjerë kundër shitjeve të paligjshme në internet të ilaçeve dhe produkteve mjekësore. Autoritetet rregullatore të policisë, doganave dhe shëndetit nga 90 vende morën pjesë në aksion, të koduar Operacioni Pangea XII, duke sekuestruar ilaçe potencialisht të rrezikshme me vlerë më shumë se 14 milion dollarë.
Nga mesi i marsit, mashtrimet telefonike dhe fushatat e phishing kishin rezultuar tashmë në humbje monetare “aq sa qindra mijëra dollarë në një rast të vetëm”, zbuloi gjithashtu agjensia e zbatimit të ligjit. “Deri më tani, Interpol ka ndihmuar me rreth 30 raste të mashtrimit të lidhura me COVID-19 me lidhje me Azinë dhe Europën, duke çuar në bllokimin e 18 llogarive bankare dhe ngrirjen e më shumë se 730,000 dollarë në transaksione të dyshuara mashtruese,” thuhet në një deklaratë të asaj periudhe.(Euronews)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.