Investim në Spitalin e Burgjeve – Gjonaj: 100 të dënuar dhe pacientë do të trajtohen me standarde të larta

Ministrja e Drejtësisë, Etilda Gjonaj ka qenë e pranishme ditën e sotme në ceremoninë e prezantimit të rikonstruksionit të Qendrës Spitalore të Burgjeve.

Sipas njoftimin investimi në fjalë kap vlerën e  28 842 059 lekëve dhe është një investim i Qeverisë shqiptare.Gjithashtu, ky është edhe investimi i parë i bërë pas 20 vitesh në Qendrën Spitalore të Burgjeve.  Rreth 100 të dënuar/pacientë do të trajtohen në kushte optimale, me standarde të larta si pasojë e këtij investimi.

Gjonaj tha se ajo çfarë është bërë gjatë një viti e gjysmë është në sytë e të gjithëve dhe se po jetësohet me veprime të vazhdueshme, megjithëse ka ende shumë punë për të bërë.
Sipas njoftimit të ministres së shpejti do të përfundojë edhe rikonstruksioni i godinave 4 dhe 5 në IEVP Lezhë, të cilat do të shërbejnë si një spital i përkohshëm për personat me vendim gjykate “mjekim i detyruar”, që aktualisht ndodhen në IEVP Krujë.

Në përfundim të njoftimit Gjonaj tha se të dënuarit do të kenë kushte më të mira e shërbim shëndetësor dinjitoz, me përmirësimin infrastrukturor dhe të burimeve njerëzore, gjithmonë në respektim të të drejtave të njeriut dhe në përputhje me standardet ndërkombëtare.,

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.