Investime në 11 spitalet rajonale, Manastirliu: Pajisje të reja në maternitetin e Durrësit
Spitali i Durrësit është pajisur me aparatura të teknologjisë së lartë në shërbimin onkologjik, në patologji, maternitet dhe konsultoren e nënës dhe fëmijës. Gjatë një inspektimi në spitalin e Durrësit ministrja e shëndetësisë Ogerta Manastirliu u shpreh se po investohen në 11 spitale rajonale.
“Kujdesi për nënën dhe fëmijën është në qendër të politikave tona shëndetësore, ndaj po investojmë për fuqizimin e materniteteve me aparatura moderne, për të garantuar shërbim cilësor dhe afër vendbanimit.
Jo vetëm spitali i Durrësit por të gjitha spitalet rajonale janë pajisur me aparatura të teknologjisë së lartë. Ne po investojmë për rijetësimin e materniteteve në të gjithë vendin”. Brenda këtij viti hapen maternitetet e reja të Korçës dhe Sarandës, ndërsa po bëhen projektet, për të vijuar me investime të munguara ndër vite në disa spitale rajonale dhe bashkiake, si në Lezhë, Berat, Mat, Pogradec, etj.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.