Investimet në landfille – Guri: Ende nuk ka menaxhim të mbetjeve urbane
Investimet prej rreth 6 milionë eurosh në lanfillin e Sharrës nuk i përgjigjet arsyes për të cilin është investuar për menaxhimin e mbetjeve urbane. Kështu deklaron ambjentalisti Sazan Guri në një intervistë për “TV SCAN” i cili thekson se investimet e kryera në këtë drejtim nuk kanë sjellë asnjë ndryshim në mjedis.
Guri thekson më tej se edhe pse së fundmi është marrë një hua prej 14 milionë eurosh nga shteti gjerman për strategjinë e përpunimit të mbetjeve asgjë nuk është bërë.
Në vendin tonë gjenden rreth 65 vend-depozitime të pakontrolluara mbetjesh urbane të përmasave të ndryshme, të cilat nuk ndjekin ndonjë kusht teknik ose mjedisor. Mesatarisht në landfille përfundojnë rreth 246 616 tonë mbetje, ndërsa pjesa tjetër prej 704 743 tonë përfundon në vend-depozitimet e pakontrolluara.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.