Investimet në njësinë Nr. 4, Veliaj: Do rikonstruktojmë 120 rrugë të tjera në Tiranë
Bashkia e Tiranës ka nisur rikonstruksionin e rrugës “Imer Ndregjoni” në njësinë numër 4. Kryetari i Bashkisë së Tiranës, Erion Veliaj, i shoqëruar nga deputetja e PS, Blerina Gjylameti, teksa inspektoi punimet theksoi se puna do të vijojë me 120 rrugë të tjera gjatë këtij viti në gjithë Tiranën, për t’u siguruar që i gjithë qyteti ka infrastrukturën e nevojshme dhe të njëjtën cilësi, si në qendër e periferi.
Kryebashkiaku shtoi se pas rikonstruksionit të rrugës “Imer Ndregjonin, e cila u jep akses rreth 10 mijë banorëve të lagjes, projekti i radhës është rikonstruksioni i Rrugës së Dibrës, si një ndër akset kryesore të Tiranës. Veliaj siguroi qytetarët së punimet do të përfundojnë në fund të verës.
Nisur nga situata e furnizimit me ujë të pijshëm në disa zona të kryeqytetit, Veliaj u bëri thirrje qytetarëve që të tregohen bashkëpunues në këtë periudhë. Kreu i Bashkisë deklaroi se uji i pijshëm, ashtu sikurse edhe energjia elektrike, nuk duhet të shpërdorohet nga qytetarët.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.