Investimet në rrjetin e kanalizimeve – Bashkia e Kamzës hap tenderin. Zonat ku do të ndërhyhet

Krahas përmirësimit të infrastrukturës rrugore, Bashkia e Kamzës do të ndërhyjë gjithashtu edhe në përmirësimin e rrjeteve të kanalizimeve të ujërave të ndotur. Në këtë kuadër, Bashkia ka hapur procedurat e prokurimit publik për ndërtimin e KUN në zonën e Kamzës dhe të Paskuqanit.

Fondi limit i vënë në dispozicion për këto investime kap vlerën e rreth 52 milionë lekëve, përkatësisht me 13.1 milionë lekë për atë të Paskuqani dhe 39 milionë për KUN në Kamëz.

Nga detajet e investimit, sa i takon zonës së Kamzës, rrjeti i kanalizimeve do të ndërtohen në disa zona, më konkretisht: Në rruga ‘Skenderbeu’ deri tek rruga ‘Kujtesa’; KUN ‘Korabi’; rruga e ‘Re’; rruga ‘Dritëro Agolli – Shkolla e Re Valias’; ‘Sulejman Vokshi’, ‘Stebleve’; rruga ‘Dibra’, rruga ‘Bari’, rruga ‘Montreal’; ‘Gramshi’, rruga ‘Ibrahim Rugova’, rruga ‘Shkumbini’, rruga ‘Alpinist’.

Ndërsa, sa i takon investimit që do të kryhet në zonën e Paskuqanit, ndërhyrjet do të kryhen në impiantin e i Bovilles Babrru Koder e Kuqe, rruga ‘Sado Koshenko’, rruga ‘Mithat Frashëri’.

Aktualisht në këto zona nuk ka rrjet kanalizimesh ose në një pjesë të madhe të tyre ai nuk është funksional, duke krijuar kështu problem për banorët e zonës.

Ky investim pritet të zgjidhë problemin e përmbytjeve, atë të shkarkimit të ujërave të ndotura nga bizneset si dhe atë të shkarkimeve nga banesat në këto zona.

Operatorët ekonomikë të interesuar do të mund ët dërgojnë kërkesat e tyre brenda datës 18 shkurt 2019, ndërsa grafiku i punimeve parashikon një kohëzgjatje prej 100 ditësh kalendarike.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.