Investimet në rrjetin elektrik – 67 milionë lekë për nënstacionin e Uznovës në Berat

Operatori i Shpërndarjes së Energjisë Elektrike ka kryer një investim prej 67 milionë lekësh në nënstacionin elektrik të Uznovës në Qarkun e Beratit. Ministrja e Infrastrukturës dhe Energjisë, Belinda Balluku u njoh nga afër me investimin e realizuar, që synon të garantojë një  furnizim më të mirë dhe të reduktojë humbjet në rrjet.

Ministrja Balluku tha se ky investim është në vazhdën e atyre të mëparshëm të kryer nga ana e OSHEE-së me qëllim nxitjen e turizmit në zonat turistike apo në zonat e planifikuara për të qenë të tilla në të ardhmen.

Nga ky investim përfitojnë rreth 500 abonentë, përfshi edhe banorët e fshatit Roshnik, që është pjesë e projektit “100 fshatrat”, të hartuar nga qeveria shqiptare me synim nxitjen dhe zhvillimin e turizmit në këto zona.

Ersuin Shehu/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.