Investimet në shkolla – Veliaj: Gjimnazi “Ismail Qemali” me standarde. Brenda vitit, 17 shkolla të reja
Gjimnazi “Ismail Qemali” në kryeqytet, ka hapur dyert këtë fillim viti me standarde të përmirësuara. Bashkia e Tiranës ka përfunduar rikonstruksionin e plotë të shkollës.
Gjatë inspektimit të punimeve, kreu i bashkisë Erion Veliaj bëri të ditur se brenda vitit kryeqytetit do ti shtohen edhe 17 shkolla të reja, të cilat krahas standardeve të larta do të ndikojnë edhe në uljen e mbipopullimit në shkolla.
Veliaj u ndal edhe tek përzgjedhja e mësuesve më cilësorë nëpërmjet portalit, të cilët do të shpërndahen në mënyrë të njëtrajtshme në të gjitha shkollat.
Kryebashkiaku vlerësoi edhe nismën e kryeministrit Edi Rama për të ndihmuar nxënësit ekselentë duke e quajtur një inkurajim më shumë për të dalë me rezultate të larta.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.