Investimet në spitalin e Sarandës – Rama: Vlera 266 mln lekë. S’ka informacion për plotësimin e stafit
Kryeministri Edi Rama e ka nisur këtë javë me një postim në rrjetin e tij social Facebook ku njofton për përfundimin e punimeve në spitalin dhe maternitetit të ri të Sarandës. Rama në statusin e tij njofton se shumë shpejt të dyja këto qendra shëndetësore do të punojnë me orë të plota në shërbim të publikut, pas një kohe të gjatë braktisjeje, rrënimi tërësor e mungesash alarmante.
Investimi në total është në vlerën e 266 milionë , ku prej të cilave 80 milionë lekë janë investime në aparatura. Nga i gjithë rikonstruksioni ajo që bie në sy është fakti se ky spital do të ketë tashmë tre salla për kirurgjinë.
Duke ditur mungesat që ka ndër vite në këtë spital për mjekë specialist natyrshëm lind pyetja nëse këta mjekë do të sigurohen. Prej vitesh në spitalin e Sarandës punojnë mjekë që kanë dalë në pension. Nga tre kirurgë që ka spitali i Sarandës, dy prej tyre janë pensionistë.
Në spital ka mungesë të mjekut hematolog dhe mjekut neurolog. Mjeku imazherist në spitalin e Sarandës vjen nga Vlora një herë në javë. Në këtë spital mungon mjeku pediatër, kirurgu , gastroepatologut dhe kardiologu.
Ky spital u shërben të paktën 5 bashkive, Sarandës, Konispolit, Finiqit, Delvinës po ashtu dhe Bashkisë së Himarës. Spitali pritet që të fillojë të funksionojë në shtator dhe do t’i shërbejë një popullate prej 150 mijë banorësh që 3-4 fishohet në sezonin turistik.
Entela Barjamaj/SCAN
MIRËMËNGJES dhe me pamjet e spitalit dhe maternitetit të ri të Sarandës që së shpejti do të punojnë me orë të plota në shërbim të publikut, pas një kohe të gjatë braktisjeje, rrënimi tërësor e mungesash alarmante që nuk alarmuan askënd për vite të tëra, ju uroj një javë të mbarë 🌹
Posted by Edi Rama on Sunday, July 29, 2018
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.