Investitorët e huaj nuk braktisin Kinën- Kërkesa për shitjen e obligacioneve prej 6 miliardë dollarë, 3.6 herë më e madhe
Kina vazhdon të jetë tërheqëse për investitorët e huaj, pavarësisht rritjes së ngadaltë ekonomike apo luftës tregtare me Shtetet e Bashkuara.
Ndërkohë që interesat e borxhit në të gjithë botën qëndrojnë të ulëta, investitorët u sulën drejt shitjes më të madhe të obligacioneve ndërkombëtare të Kinës, ndërkohë që porositë për ankandin 6 miliardë dollarësh arritën në 3.6 herë sipër vlerës së emetimit, sipas Ministrisë së Financave të Kinës.
Analistët kinezë thanë se ka ende shumë investitorë që kanë besim në për të hedhur para tek vendi. Yieldi për katër obligacionet varionte nga 1.92% për një titull 3-vjeçarë, e deri në 2.88% për një obligacion 20-vjeçar, sipas ministrisë së Financave.
Qeveria kineze ka mbajtur premtimin e hapjes së industrisë financiare drejt botës, duke hequr limitet e zotërimeve të huaja në vend dhe kuotat për investimet e huaja në letra me vlerë.
Lëvizja vjen ndërkohë që Pekini ndodhet nën presion nga Shtetet e Bashkuara për të përmirësuar aksesin e huaj drejt tregjeve kinezë dhe ndërkohë që i duhet të tërheqë më shumë kapital në tregun lokal.
Ndërkohë që pjesa më e madhe e borxhit kinez, që është fryrë në mbi 300% të PBB, është denominuar në valutën vendase, Pekinit i duhen dollarë dhe valuta të tjera të mëdha ndërkombëtare për të bërë biznes me vendet e tjera. Ndërkombëtarizimi i juanit ka bërë progres të ngadaltë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.