Investitorët në optimizëm të plotë! BofA: Lajmet e vaksinës kanë nxitur blerje tek bankat dhe firmat e vogla

Investitorët janë në optimizëm, apo bullish, duke investuar më shumë para tek tregjet në zhvillim, aksionet e kompanive të vogla dhe sektori bankar, prej shpresave se vaksina e Covid-19 do të rimëkëmb këto segmente të goditur rëndë, sipas sondazhit mujor të investitorëve të Bank of America.  Euforia ka çuar nivelin e parasë cash të investitorëve në 4.1% në Nëntor, nga 4.4% që ishte muajin e kaluar, duke prekur nivelet përpara  Covid-19 në Janar, sipas një sondazhi të 190 manaxhues të fondeve, që mbikëqyrin 526 miliardë dollarë aktive.

Institucioni deklaroi se ndërkohë që pritshmëritë e investitorëve mbi ekonominë botërore dhe fitimet e kompanive ndodhen në nivele rekord të larta, interesi tek sektorët që kanë pësuar goditje, pritet të vazhdojë në tremujorin e katërt.  Megjithatë, banka këshilloi klientët që të “kthehen në pozicion shitjeje prej vaksinës në javët apo muajt e ardhshëm, pasi ndodhen pranë optimizmit të plotë”.   Ndërkohë, tek titujt e thesarit në SHBA, 73% e investitorëve të anketuar presin një kurbë më të pjerrët të yieldit, ndërkohë që interest afat-gjatë të titujve po rriten shumë më shpejtë se ato afat-shkurtër.  Pritshmëritë ishin shumë më të larta se pas falimentimit të Lehman Brothers në vitin 2008. Për vitin 2021, investitorët përmendën si lëvizje të preferuar pozicionet për blerje afat-gjatë tek tregjet në zhvillim, indeksi S&P 500 dhe nafta.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.