“Investitorët nën presion korruptiv” – Ekonomi: Problem inspektorët. Denaj: Kemi ndryshuar qasjen, s’ka më aksione “blic” në biznese
Investitorët e huaj që vijnë në Shqipëri janë nën presion për të funksionuar në një ambient korruptiv. Akuza është bërë nga deputetja demokrate Rudina Hajdari, gjatë drejtimit të mbledhjes së Këshillit Kombëtar të Integrimit.
Po ashtu një problem tjetër janë kontrollet e tepërta tek bizneset dhe ryshfeti që u jepet inspektorëve tatimorë. Të tilla raste janë pranuar dhe nga Ministrja e Financave, Anila Denaj, e cila theksoi se ka ndryshuar qasja dhe fiskalizimi do të jetë një proces që do të reduktojë këtë fenomen.
Gjatë mbledhjes së Këshillit Kombëtar të Integrimit, sipërmarrja ka kërkuar më shumë dialog me qeverinë dhe konsultime të ligjeve, për të përmirësuar klimën e të bërit biznes. Ndërsa u vu theksi tek digjitalizimi i shërbimeve, si një mekanizëm për të shmangur rastet korruptive.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.